"Shabd"

Likh nahi sakta main
Likh nahi pa raha...
Jaane shabd kahaan kho gaye
Kis naye nagar ki taraf woh ho liye

Khaada hu main
Gaon ke bus stop par
Bas ab aati hi hogi
Meri shabdo wali bus
Khaali sadak ,na dur tak awaaz
Bas ajeeb si nishabdtha aur meri lambi saanz

Rang phekhe,kagaz safed
Main jaise ek bin paatho ka ped
Sur khaali,sangeet adhura
Kaise karu in sapno ko ab pura...??
Bin shabdo ke ehsaas mare hue
Sapne hain...par bikhare hue..

Intezar karta hoon...bus stop par main
Kab ayagi,kab layegi
Naye rang ,naye abhinaye??

Afsos tab tak
Bin shabdo ke andhere sapne...
dekhta hoon main...